काठमाडौं । गुडविल फाइनान्स कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
कम्पनीले आइतबार सार्वजनिक गरेका वित्तीय विवरण अनुसार चालु आवको पुस मसान्तसम्ममा ७ करोड ९१ लाख ९१ हजार रुपैयाँ नाफा कमाएको छ ।
कम्पनीको यो नाफा गत वर्षको सोही अवधिको तुलनामा भने ४२.७१ प्रतिशतले बढी हो । गत वर्षको पुस मसान्तमा कम्पनीले ५ करोड ५४ लाख ९१ हजार रुपैयाँ नाफा कमाएको थियो ।
चालु आवको पुस मसान्तसम्ममा कम्पनीको खुद ब्याज आम्दानी १९ करोड ५५ लाख ४४ हजार रुपैयाँ रहेको छ । कम्पनीले गत वर्षको सोही अवधिको तुलनामा यस वर्ष खुद ब्याज आम्दानी १३८.३५ प्रतिशतले वृद्धि भएको हो । गत वर्षको उक्त अवधिमा ८ करोड २० लाख ४२ हजार रुपैयाँ आम्दानी गरेको थियो ।
उक्त अवधिमा कम्पनीको संचालन मुनाफा ११ करोड १५ लाख ९६ हजार रुपैयाँ रहेको छ । कम्पनीको संचालन मुनाफा गत वर्षको सोही अवधिको तुलनामा भने ४२.२२ प्रतिशतले वृद्धि भएको हो ।
कम्पनीको चुक्ता पुँजी ९४ करोड ६१ लाख १५ हजार रुपैयाँ रहेको छ । कम्पनीले जगेडा तथा कोषमा ९६ करोड ८४ लाख ७ हजार रुपैयाँ राखेको छ ।
कम्पनीको प्रतिसेयर आम्दानी १६ रुपैयाँ ७४ पैसा रहेको छ । यो आम्दानी गत वर्षको दोस्रो त्रैमासमा १२ रुपैयाँ ८० पैसा रहेको थियो ।
वि.सं.२०७८ माघ ९ आइतवार ११:१६ मा प्रकाशित