काठमाडौं । आधा दर्जन कम्पनीहरुले आईपीओ निष्काशनका लागि अनुमति पाएका छन् ।
नेपाल धितोपत्र बोर्डले आईपीओ निष्काशन गर्नका लागि तीन माइक्रोफाइनान्ससहित ६ कम्पनीलाई अनुमति दिएको हो ।
बोर्डले माघ ९ गते बलेफी हाइड्रोपावर, ग्रीन भेन्चरस् लिमिटेड, नेष्डो समृद्ध लघुवित्त वित्तीय संस्था, जाल्पा सामुदायिक लघुवित्त वित्तीय संस्था, राष्ट्र उत्थान लघुवित्त वित्तीय संस्था र इमर्जिङ नेपाललाई आईपीओ निष्कासनको अनुमति दिएको हो ।
बलेफी हाइड्रोपावर कम्पनीले ३६ करोड ५५ लाख ९४ हाजर रुपैयाँ बराबरको आईपीओ निष्काशन गर्ने भएको छ । कम्पनीले आयोजना प्रभावित स्थानीय र सर्वसाधारण समेतका लागि ३६ लाख ५५ हजार ९४० कित्ता आईपीओ निष्कासन गर्नेछ । कम्पनीको आईपीओ निष्काशन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
माघ ९ गते नै ग्रीन भेन्चरसले ६२ करोड ५० लाख रुपैयाँ बराबरको आईपीओ निष्काशनका लागि बोर्डबाट अनुमति पाएको छ । अब कम्पनीले आयोजना प्रभावित स्थानीय र सर्वसाधारण समेतका लागि ६२ लाख ५० हजार कित्ता आईपीओ निष्काशन गर्नेछ । कम्पनीको आईपीओ निष्काशन तथा बिक्री प्रबन्धकमा लक्ष्मी क्यापिटल मार्केट रहेको छ ।
यस्तै, नेष्डो समृद्ध लघुवित्तले ८ करोड २८ लाख ७५ हजार रुपैयाँ बराबरको आईपीओ निष्काशनको लागि माघ ९ गते बोर्डबाट अनुमति पाएको हो । कम्पनीले ८ लाख २८ हजार ७५० कित्ता आईपीओ निष्काशन गर्नेछ । कम्पनीको आईपीओ निष्काशन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
त्यसैगरि बोर्डले जाल्पा सामुदायिक लघुवित्तलाई ५ करोड २२ लाख रुपैयाँ र राष्ट्र उत्थान लघुवित्तलाई ८ करोड ५० लाख रुपैयाँ बराबरको आईपीओ निष्काशनका लागि अनुमित दिएको छ । यी दुवै कम्पनीको बिक्री प्रबन्धकमा क्रमशः प्रभु क्यापिटल र एआईबिएल एस क्यापिटल रहेका छन् ।
बोर्डले इमर्जिङ नेपाललाई पनि आईपीओ निष्काशनका लागि अनुमति दिएको छ । बोर्डले कम्पनीलाई ५ करोड ५५ लाख ६० हजार रुपैयाँ बराबरको आईपीओ निष्काशन लागि माघ ९ गते अनुमति दिएको हो । कम्पनीको बिक्री प्रबन्धकमा एनआईसी एशिया क्यापिटल रहेको छ ।
वि.सं.२०७८ माघ १० सोमवार ११:५८ मा प्रकाशित
