काठमाडौं । नेपाल बैंकले चालु आर्थिक वर्ष २०७८/७९ दोस्रो त्रैमासिक वित्तीय विवरण सार्वजनिक गरेको छ ।
चालु आवको पुस मसान्तसम्ममा बैंकले १ अर्ब ४१ करोड ७० लाख ५८ हजार रुपैयाँ नाफा कमाएको छ । जुन गत वर्षको सोही अवधिको तुलनामा ४.९३ प्रतिशतले कमी हो । गत वर्षको दोस्रो त्रैमासमा बैंकले १ अर्ब ३५ करोड ४ लाख २३ हजार रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी भने १.८० प्रतिशतले वृद्धि भई ३ अर्ब २ करोड ४९ लाख ३० रुपैयाँ पुर्याएको छ । गत वर्षको पुस मसान्तसम्ममा बैंकको खुद ब्याज आम्दानी २ अर्ब ९७ करोड १३ लाख ९८ हजार रुपैयाँ रहेको थियो ।
चालु आवको ६ महिनाको अवधिमा कम्पनीको संचालन मुनाफामा पनि २०.०८ प्रतिशतको गिरावट देखिएको छ । गत वर्षको सोही अवधिमा २ अर्ब ४ करोड ६३ लाख २२ हजार रुपैयाँ मुनाफा गरेको बैंकले यस वर्षको पुस मसान्तसम्ममा भने १ अर्ब ६३ करोड ५३ लदाख ३६ हजार रुपैयाँ रहेको छ ।
उक्त अवधिमा बैंकले १ खर्ब ८२ अर्ब ८४ करोड ९ लाख ५८ हजार रुपैयाँ निक्षेप संकलन गरि १ खर्ब ६३ खर्ब १० करोड ९४ लाख ९० हजार रुपैयाँ कर्जा प्रवाह गरेको छ ।
कम्पनीको चुक्ता पुँजी १४ अर्ब ४० करोड ५९ लाख ४ हजार रुपैयाँ रहेको छ । कम्पनीले जगेडा तथा कोषमा भने १७ अर्ब ४६ करोड ९६ लाख ६२ हजार रुपैयाँ राखेको छ ।
कम्पनीको खराब ०.९७ प्रतिशतले घटेर १.९१ प्रतिशत पुगेको छ । गत वर्षको पुस मसान्तमा कम्पनीको खराब कर्जा २.८८ प्रतिशत रहेको थियो ।
कम्पनीको प्रतिसेयर आम्दानी १९ रुपैयाँ ६७ पैसा रहेको छ । गत वर्षको सोही अवधिको तुलनामा भने कम्पनीको यो आम्दानी १ रुपैयाँ ७० पैसाले घटेको हो । यस्तै कम्पनीको प्रतिसेयर नेटवर्थ भने २३८ रुपैयाँ १२ पैसा रहेको छ ।
वि.सं.२०७८ माघ १० सोमवार १३:१८ मा प्रकाशित
