काठमाडौं । आशा लघुवित्त संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
मंगलबार सार्वजनिक गरेको वित्तीय विवरण अनुसार कम्पनीले उक्त अवधिमा ८ करोड ७३ लाख ८४ हजार रुपैयाँ नाफा कमाएको हो । जुन गत वर्षको सोही अवधिको तुलनामा भने २४.८० प्रतिशतले बढी हो । गत वर्षको पुस मसान्तसम्ममा कम्पनीले ७ करोड १६ लाख रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी १७ करोड ५३ लाख २० हजार रुपैयाँ रहेको छ । कम्पनीले गत वर्षको पुस मसान्तमा भने ११ करोड ६८ लाख ३८ हजार रुपैयाँ खुद ब्याज आम्दानी गरेको थियो ।
चालु आवको दोस्रो त्रैमासमा कम्पनीको संचालन मुनाफा ५२.२२ प्रतिशतले बढेर १३ करोड ८५ लाख २९ हजार रुपैयाँ कायम भएको छ । यो नाफा गत वर्षको सोही अवधिमा भने ९ करोड १० लाख रुपैयाँ रहेको थियो ।
कम्पनीको चुक्ता पुँजी ३३ करोड ३९ लाख १४ हजार रुपैयाँ रहेको छ । कम्पनीले जगेडा तथा कोषमा भने १८ करोड २० लाख ५० हजार रुपैयाँ राखेको छ ।
उक्त अवधिमा कम्पनीले खराब कर्जा भने घटाएको छ । गत वर्षको पुस मसान्तसम्ममा ४.९८ प्रतिशत रहेको खराब कर्जा यस वर्षको सोही अवधिमा भने घटाएर ३.८५ प्रतिशतमा झारेको छ ।
कम्पनीको प्रतिसेयर आम्दानी ५२ रुपैयाँ ३४ पैसा र प्रतिसेयर नेटवर्थ १५४ रुपैयाँ ५२ पैसा रहेको छ ।
वि.सं.२०७८ माघ ११ मंगलवार १२:०८ मा प्रकाशित
