काठमाडौं । आरम्भ चौतारी लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
मंगलबार सार्वजनिक गरेको वित्तीय विवरण अनुसार कम्पनीले उक्त अवधिमा ४ करोड ३५ लाख ३५ हजार रुपैयाँ नाफा कमाएको हो । जुन गत वर्षको सोही अवधिको तुलनामा भने ३०.२४ प्रतिशतले कमी हो । गत वर्षको पुस मसान्तसम्ममा कम्पनीले ६करोड २४ लाख १४ हजार रुपैयाँ कमाएको थियो ।
उक्त अवधिमा कम्पनीको खुद ब्याज आम्दानी १८ करोड ८२ लाख ३८ हजार रुपैयाँ रहेको छ । कम्पनीले गत वर्षको पुस मसान्तमा भने १३ करोड २६ लाख ५८ हजार रुपैयाँ रुपैयाँ खुद ब्याज आम्दानी गरेको थियो ।
गत वर्षको दोस्रो त्रैमासमा ६ करोड ७ लाख ९६ हजार रुपैयाँ रहेको संचालन मुनाफा यस वर्षको सोही अवधिमा भने बढेर ६ करोड ३२ लाख ४८ हजार रुपैयाँ पुगेको छ ।
कम्पनीको चुक्ता पुँजी ३० करोड ६९ लाख २३ हजार रुपैयाँ रहेको छ । कम्पनीले जगेडा तथा कोषमा भने १९ करोड १० लाख ४५ हजार रुपैयाँ राखेको छ ।
उक्त अवधिमा कम्पनीले खराब कर्जा भने घटाएको छ । गत वर्षको पुस मसान्तसम्ममा ४.८२ प्रतिशत रहेको खराब कर्जा यस वर्षको सोही अवधिमा भने घटाएर ३.९० प्रतिशतमा झारेको छ ।
कम्पनीको प्रतिसेयर आम्दानी २८ रुपैयाँ ३७ पैसा र प्रतिसेयर नेटवर्थ १६२ रुपैयाँ २५ पैसा रहेको छ ।
वि.सं.२०७८ माघ ११ मंगलवार १३:०० मा प्रकाशित
