काठमाडौं । राष्ट्रिय वाणिज्य बैंकले कुनै पनि शाखा वा कार्यालयहरुमा प्रवेशका लागि कोरोना विरुद्धको लगाईएको खोप कार्ड अनिवार्य गरेको छ ।
बैंकले कोरोना संक्रमण जोखिमलाई नियन्त्रणका लागि यस्तो व्यवस्था गरेको हो । एक सूचना निकाल्दै बैंकले शाखा कार्यालयहरुमा प्रवेशका लागि अनिवार्य रुपमा कोभिड विरुद्धको खोप लगाएको कार्ड अथवा मोबाइलमा फोटो लिएर पनि आउनुपर्ने जनाएको छ ।
कोरोनाको प्रकोपलाई ध्यान दिदैं नेपाल सरकारले सबै सार्वजनिक निकायबाट सेवा प्राप्त गर्नका लागि “खोप कार्ड देखाउन“ अनिवार्य गर्ने निणर्य गरेको छ ।
साथै मास्कको प्रयोग एवं भौतिक दुरीलाई आत्मसाथ गर्न बैंकले अनुरोध गरेको छ ।
वि.सं.२०७८ माघ ११ मंगलवार १५:५८ मा प्रकाशित
