काठमाडौ । हिमालयन जनरल इन्स्योरेन्सको प्रमुख कार्यकारी अधिकृत (सिईओ) मा विजयबहादुर शाह आउने भएका छन् ।
इन्स्योरेन्सका सीईओ सुशील बज्राचार्य फागुनदेखि बाहिरीन लागेसँगै कम्पनिले रिक्त हुन लागेको सिईओ पदमा शाहलाई नियुक्ति गर्ने तयारी गरेको हो ।
शाह नेपाल इन्स्योरेन्सका पूर्व सिईओ हुन् । उनले नेपाल इन्स्योरेन्समा आफ्नो ४ वर्षे कार्यकाल पुरा गरि गत साउन ९ गते बाहिरीयका थिए ।
यसो त एउको इन्स्योरेन्सको सिईओबाट बाहिरीएपछि ६ महिनासम्म अर्काे इन्स्योरेन्सको सिईओ बन्न पाईदैन । सोही अनुरुप शाह यो ६ महिना इन्स्योरेन्सबाट बाहिर थिए । अब बीमा समितिले तोकेको यो समय सकियसँगै हिमालयनमा आउन लागेका हुन् ।
यता हिमालयनका वर्तमान सिईओ बज्राचार्य करारमा थिए । उनले आफ्नो व्यक्तिगत कारण देखाउँदै बाहिरिन थालेका हुन् । यद्यपी उनले राजीनामा नदिई करार सहमति संशोधन गरेर कार्यकाल छोट्याई बाहिरिन लागेका हुन् ।
माघ ६ गते बसेको इन्स्योरेन्सको सञ्चालक समितिको बैठकले आपसी सहमतिमा करार संशोधन गरी उनको कार्यकाल २०७८ माघ मसान्तसम्मको लागि मात्रै कायम गर्ने निर्णय गरिसकेको छ ।
वि.सं.२०७८ माघ १६ आइतवार १३:३१ मा प्रकाशित