काठमाडौं । मनकामना स्मार्ट लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार उक्त अवधिमा कम्पनीले १ करोड ३ लाख ८७ हजार रुपैयाँ नाफा कमाएको छ । जुन गत वर्षको पुस मसान्तसम्मको तुलनामा ४७.३२ प्रतिशतले कमी हो । गत वर्षको सोही अवधिमा कम्पनीले १ करोड ९७ लाख १९ हजार रुपैयाँ नाफा गरेको थियो ।
चालु आवको पुस मसान्तसम्ममा कम्पनीको खुद ब्याज आम्दानी १३.९५ प्रतिशतले वृद्धि भई ३ करोड ९८ लाख ३६ हजार रुपैयाँ पुगेको छ । गत वर्षको सोही अवधिमा कम्पनीको यो आम्दानी ३ करोड ४९ लाख ५७ हजार रुपैयाँ रहेको थियो ।
चालु आवको ६ महिनामा कम्पनीको संचालन मुनाफा २५ लाख ६२ हजार रुपैयाँ रहेको छ । गत वर्षको सोही अवधिमा भने कम्पनीको यो मुनाफा ५२ करोड ३५ लाख १९ हजार रुपैयाँ ऋणात्मक रहेको थियो ।
कम्पनीको चुक्ता पुँजी १४ करोड १७ लाख ४५ हजार रुपैयाँ रहेको छ । कम्पनीले जगेडा तथा कोषमा २ करोड ८१ लाख ५० हजार रुपैयाँ राखेको छ ।
उक्त अवधिमा कम्पनीको खराब कर्जा भने वृद्धि भएको छ । गत वर्षको पुस मसान्तसम्ममा ३.७९ प्रतिशत रहेको खराब कर्जा यस वर्षको सोही अवधिमा भने बढेर ४.९७ प्रतिशत पुगेको छ ।
कम्पनीको प्रतिसेयर आम्दानी १४ रुपैयाँ ६६ पैसा र प्रतिसेयर नेटवर्थ १३६ रुपैयाँ ९२ पैसा रहेको छ ।
वि.सं.२०७८ माघ १९ बुधवार ११:४४ मा प्रकाशित