काठमाडौं । विन नेपाल लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको ६ महिनाको अवधिमा १७ करोड ४४ लाख २० हजार रुपैयाँ नाफा कमाएको छ । जुन गत वर्षको सोही अवधिको तुलनामा भने १९२९.५५ प्रतिशत अर्थात २० गुणा बढी हो । गत वर्षको पुस मसान्तसम्ममा कम्पनीको खुद नाफा ८५ लाख ९४ हजार रुपैयाँ कमाएको थियो ।
चालु आवको ६ महिनाको अवधिमा कम्पनीको खुद ब्याज आम्दानी २ करोड ३३ लाख ९७ हजार रुपैयाँ रहेको छ । गत वर्षको पुस मसान्तसम्मको तुलनामा भने प्रतिशतले ४.९१ मात्रै बढी हो ।
उक्त अवधिमा कम्पनीको संचालनमा मुनाफा भने २ करोड ७५ लाख २३ हजार रुपैयाँ नोक्सानीमा रहेको छ । कम्पनीको यो मुनाफा गत वर्षको पुस मसान्तमा भने ५ लाख ३५ हजार रुपैयाँ मात्र ऋणात्मक रहेको थियो ।
कम्पनीको चुक्ता पुँजी ७ करोड ६० लाख ९५ रुपैयाँ रहेको छ । कम्पनीले जगेडा तथा कोषमा भने २ करोड १५ लाख ५९ रुपैयाँ राखेको छ ।
यस्तै, गत वर्षको पुस मसान्तसम्ममा ४.१५ प्रतिशत रहेको खराब कर्जा यस वर्षको सोही अवधिमा भने झिनो बढेर ४.८९ प्रतिशत पुगेको छ ।
कम्पनीको प्रतिसेयर आम्दानी ४ रुपैयाा ५८ पैसा र प्रतिसेयर नेटवर्थ १२८ रुपैयाा ३३ पैसा रहेको छ ।
वि.सं.२०७८ फागुन १ आइतवार ०७:४१ मा प्रकाशित
