काठमाण्डों । नेपाल रिइन्स्योरेन्सले एएम बेष्टबाट बि रेटिंङ पाएको छ ।
निजी क्षेत्रको लगानीमा प्रवर्द्धन गरिएको नेपालको पूनर्बीमा कम्पनी रि इन्स्योरेन्सले अन्तर्राष्ट्रिय रेटिंङ एजेन्सीबाट यस्तो रेटिङ पाएको हो ।
अन्तराष्ट्रिय स्तरबाट यो रेटिंङ पाउने सम्भवत नेपाल री पहिलो नेपाली कम्पनी हो ।
एएम बेस्टले हिमालयन रिको वित्तीय सक्षमताको मूल्याङक गरि ‘बि’ फेयर र दीर्घकालीन शेयरजारीकर्ता कम्पनीको रूपमा ‘डलब बि प्लस’ ‘फेयर’ क्रेडिट रेटिङ प्रदान गरेको हो। यी क्रेडिट मूल्याङ्कनहरूलाई तोकिएको दृष्टिकोण स्थिर हो।
एएम वेष्टले दिएको यो रेटिङ अनुसार पूँजी पर्याप्तता अनुपातको अध्ययनको क्रममा हिमालयन रिको वासलातले अगामी पाँच वर्षको लागी जोखिम समायोजन गर्न पर्याप्त सक्षमता देखाएको हो ।
प्रारम्भको पाँच वर्षको लागी ७० करोड रूपैयाँको चुक्ता पूँजी व्यवसायीक प्रगतीको लक्ष्य हासिल गर्न सहयोगी हुनेछ । कम्पनीले निकट भविष्यमा जारी गर्ने भनिएको साधारण शेयरले कम्पनीको वित्तीय सबलतालाइ अझै लचिलो बनाउनेछ।
साथै रेटिङ एजेन्सीले हिमालयन रिले पूँजीको ठूलो हिस्सा मुद्दती निक्षेपमा र बाँकी रकम सुनिश्चित आय बाट प्राप्त हुने सुरक्षणहरूमा लगानी गरेर न्यून जोखिमयुक्त लगानी कायम राख्ने अनुमान गरेको छ।
साथै हिमालयन रिको जोखिमांकन कार्य सम्पादन पनि राम्रो गुणस्तरको स्वदेशी व्यापार हात पार्न मिल्ने क्षमतामा धेरै निर्भर हुनेछ। एएमवेष्टका अनुसार प्रारम्भिक वर्षहरूमा लगानीको प्रतिफलको मुख्य श्रोत संभवत ब्याज आम्दानी नै हुनेछ । यद्यपी कम्पनीले बलियो जग बनाएको एएमवेष्टको भनाई छ ।
वि.सं.२०७८ फागुन ४ बुधवार १२:५८ मा प्रकाशित
