काठमाडौं । नाडेप लघुवित्त वित्तीय संस्थाले विभिन्न पदमा कर्मचारी माग गरेको छ । एक सूचना निकाल्दै कम्पनीले तीन पदका लागि कर्मचारी माग गरेको छ ।
कम्पनीले व्यवस्थापक, अधिकृत र सहायक अधिकृत (सूचना प्रविधि)पदका लागि केही संख्यामा कर्मचारी माग गरेको हो ।
उक्त पदका लागि कम्पनीले शैक्षिक योग्यता स्नातक तह देखी स्नातकोत्तर उत्तीर्ण गरेको साथै विभिन्न बैंक तथा वित्तीय संस्थामा अनुभव भएको हुनुपर्ने बताएको छ ।
उक्त पदहरुमा इच्छुक योग्य उम्मेदवारहरुले हालसालै खिचिएको पासपोर्ट साइजको फोटो, बायोडाटा, शैक्षिक योग्यताको प्रमाणपत्रको प्रतिलिपि र नागरिकताको प्रतिलिपि संलग्न गरि कम्पनीको इमेल ठेगाना [email protected] मा निवेदन पठाउनुपर्नेछ ।
व्यवस्थापक श्रेणीका लागि २१ वर्ष पुरा भई ४० वर्ष ननाघेको र अधिकृत श्रेणीका लागि २१ वर्ष पुरा भई ३५ वर्ष ननाघेको हुनुपर्नेछ । महिला उम्मेदवारहरुको हकमा भने माथिल्लो उमेर हदमा ५ वर्ष थप हुने कम्पनीले जनाएको छ ।
सेवा तथा सुविधा भने संस्थाको नियमानुसार हुने बताइएको छ । कर्मचारी छनौट सम्वन्धी सम्पूर्ण अधिकार वित्तीय संस्थामा निहित रहने कम्पनीले जनाएको छ ।
वि.सं.२०७८ फागुन ६ शुक्रवार १४:०२ मा प्रकाशित
