काठमाडौं । नेपाल राष्ट्र बैंकले स्वदेशमा आन्तरिक विप्रेषण (रेमिट्यान्स) कारोबार रकमको सीमा घटाएको छ ।
एक विज्ञप्ति जारी गर्दै राष्ट्र बैंकले आजै (फागुन १८ गते) देखि लागू हुनेगरी आन्तरिक विप्रेषण कारोबार रकमको सीमा घटाएको हो ।
अब राष्ट्र बैंकको इजाजतपत्र प्राप्त विप्रेषण कम्पनी तथा उक्त कम्पनीका सबएजेन्ट वा सबरिप्रिजेन्टेटिभहरुले स्वदेशमा आन्तरिक प्रतिव्यक्ति, प्रतिकारोबार र प्रतिदिन २५ हजार रुपैयाँसम्म आन्तरिक विप्रेषणको कारोबार गर्न पाउनेछन् ।
यसअघि १ लाख रुपैयाँसम्म रकम कारोबार गर्न पाउने व्यवस्था थियो । विदेशबाट नेपालस्थित सम्बन्धित व्यक्ति वा आफन्तलाई पठाएको विप्रेषण रकम नगदमै भुक्तानी गर्न सकिने सीमा भने यथावत नै रहेको छ ।
वि.सं.२०७८ फागुन १८ बुधवार २१:०१ मा प्रकाशित
