काठमाडौं । सानिमा लाइफ इन्स्योरेन्स कम्पनीले बिमितहरुका लागि नयाँ बोनशदर घोषणा गरेको छ ।
कम्पनीले आर्थिक वर्ष २०७६–७७ सम्मको बीमाङ्कीय मूल्याङ्कन अनुसार बोनसदर घोषणा गरेको हो । कम्पनीले सावधिक जीवन बीमा योजना खरिदकर्ताले न्युनतम प्रति हजार ३५ रुपैयाँदेखि अधिकतम ७० रुपैयाँ पाउने छन् । जसमा २५ वर्ष भन्दा धेरै अवधिको बीमालेखमा प्रतिहजार ७० रुपैयाँ पाउने छन् भने ९ वर्ष भन्दा कम अवधिकाले प्रतिहजार ३५ रुपैयाँ मात्रै पाउने छन् ।
एकल बीमा शुल्क भुक्तानी गर्न मिल्ने सावधिक जीवन बीमा योजना खरिदकर्ताले पनि न्युनतम प्रतिहजार ३५ रुपैयाँदेखि अधिकतम ६५ रुपैयाँसम्म पाउने छन् । जसमा २५ वर्ष भन्दा धेरै अवधिको बीमालेख खरिद कर्ताले मात्रै ६५ रुपैयाँ र ९ वर्ष भन्दा कम अवधिको बीमालेखमा प्रतिहजार ३५ रुपैयाँ पाउने छन् ।
कम्पनीको त्रिपल सावधि बीमा योजना खरिद कर्ताले न्युनतम प्रतिहजार २० रुपैयाँदेखि अधिकतम ३० रुपैयाँसम्म मात्रै पाउनेछन् । त्यस्तै दम्पति सावधिक बीमा योजना खरिद कर्ताले न्युनतम प्रतिहजार २० रुपैयाँदेखि अधिकतम २० रुपैयाँ पाउने छन् ।
साविधिक तथा आजीवन बीमा योजना खरिद कर्ताले न्युनतम ३५ रुपैयाँदेखि अधिकतम ७० रुपैयाँसम्म पाउने छन् भने अग्रिम भुक्तानी योजना खरिद कर्ताले न्युनतम ३५ रुपैयाँदेखि अधिकतम ४५ रुपैयाँ पाउने भएका छन् । वार्षिक अग्रिम भुक्तानी योजनाको हकमा भने जम्मा २० र २३ रुपैयाँ पाउने छन् ।
प्रस्तुत बोनसदर मृत्यु दाबी, समर्पण दाबी, चुक्ता मूल्य दाबी, अवधि भुक्तानी दाबी र चालू बीमालेखहरुमा लागु हुने कम्पनीले जनाएको छ । साथै अर्को बीमाङ्कीय मूल्याङ्कन अनुसार समितिबाट अर्को व्यवस्था गर्न स्वीकृति नभएसम्म उल्लेखित दाबीहरुमा समेत सोही बोनसदर लागु हुनेछ ।
यस वर्ष सानिमा लाइले सबैभन्दा धेरै सावधिक जीवन बीमा योजना बिक्री गरेको छ । यो १५ देखि १९ वर्ष उमेर समुहका व्यक्तिहरुले मात्रै ६ हजार ३३ वटा खरिद गरेका छन् । यस समुहको बोनसदर सम्मा ४२ रुपैयाँ छ ।
वि.सं.२०७८ चैत ८ मंगलवार १२:५४ मा प्रकाशित
