काठमाडौं । सानिमा जनरल इन्स्योरेन्स कम्पनी लिमिटेडले प्रधान कार्याय भवन निर्माणका लागि जग्गा खरिद गर्ने भएको छ ।
कम्पनीले प्रधान कार्यालय भवन निर्माणका लागि काठमाडौ महानगरपालिका नक्साल, टंगाल, कमलादी, बालुवाटार, ज्ञानेश्वर, पुतलीसडक, नयारुँ बानेश्वर, त्रिपुरेश्वर तथा महाराजगञ्ज र ललितपुर महानगरपालिकाको पुल्चोक तथा कुपण्डोल क्षेत्रमा जग्गा खरिद गर्न खोजको हो ।
उक्त क्षेत्रहरुमा मूल सडकमा जोडिएको वा मूल सडकबाट २०/३० मिटर भित्र कम्तीमा २० फिटको सहायक मार्गसंग जोडिएको न्युनतम एक रोपनी जग्गा गर्न लागेको हो ।
कम्पनीले जग्गा खरिदका लागि गत माघ २७ गते प्रकाशित सूचनामा पेश भएका प्रस्तावहरु आवश्यक संख्यामा प्राप्त नभएकाले पुनः प्रस्ताव आह्वान गरेको हो ।
साविकमा पेश भएका प्रस्तावहरु यथावत रहने भएकाले प्रस्तावमा कुनै परिवर्तन हुन भएमा परिवर्तित प्रस्तावहरु पेश गर्न जग्गाधनीहरुलाई कम्पनीले अनुरोध गरेको छ ।
प्रस्ताव पेश गर्दा जग्गाधनीको पुर्जाको प्रतिलिपि, जग्गाधनीको नागरिकताको प्रतिलिपि वा फर्म/कम्पनी/संस्था भए दर्ता प्रमाण पत्र, अद्यावधिक कर चुक्ताको प्रमाण पत्र तथा संचालनक समितिको निर्णयको प्रतिलिपि, ब्लु–प्रिन्ट, ट्रेस नक्सा र लोकेशन म्याप, जग्गाको प्रति आना मूल्यसहित विवरण हुनुपर्नेछ ।
जग्गा बिक्री गर्न इच्छुक जग्गाधनीहरुले आजैका मितिले १५ दिनभित्र कम्पनीको प्रधान कार्यालय कमलादीमा पेश गर्नुपर्नेछ ।
प्राप्त प्रस्तावहरु स्वीकृत गर्ने वा नगर्ने सम्पूर्ण अधिकार कम्पनीमा निहित हुने कम्पनीले जनाएको छ ।
वि.सं.२०७८ चैत १४ सोमवार १२:३६ मा प्रकाशित