काठमडौं । थप दुई कम्पनीले लाभांश घोषणा गरेका छन् । पछिल्लो एक सातामा दुई कम्पनीहरुले सेयरधनीहरुलाई लाभांश घोषणा गरेको हुन् ।
नेपाल इन्स्योरेन्स कम्पनी, विन नेपाल लघुवित्त वित्तीय संस्थाले गत आर्थिक वर्षको मुनाफबाट सेयरधनीहरुलाई लाभांश घोषणा गरेका हुन् ।
विन नेपाल लघुवित्त वित्तीय संस्थाले गत आर्थिक वर्षको मुनाफाबाट सेयरधनीहरुलाई ११.५ प्रतिशत लाभांश वितरण गर्ने प्रस्ताव गरेको हो ।
चैत १३ गते आइतबार बसेको कम्पनीको सञ्चालक समितिको बैठकले कम्पनीको हाल कायम चुक्ता पुँजीको ११ प्रतिशत बोनस सेयर र कर प्रयोजनको लागि ०.५ प्रतिशत नगद लाभांश वितरण गर्ने भएको छ ।
उक्त प्रस्तावित लाभांश नेपाल राष्ट बैंकले स्वीकृति दिएपछि र कम्पनीको आगामी साधारण सभाले पारित गरेपछि वितरण हुनेछ ।
यस्तै, नेपाल इन्स्योरेन्स कम्पनीले लाभांश घोषणा गरेको छ । कम्पनीको चैत्र ७ गते सोमबार बसेको सञ्चालक समितिको बैठकले लाभांश घोषणा गरेको हो ।
कम्पनीले गत आर्थिक वर्षको मुनाफाबाट सेयरधनीहरूलाई ११ प्रतिशत बोनस सेयर र कर प्रयोजनका लागि ०.५७८९ प्रतिशत नगद गरि कुल ११.५७८९ प्रतिशत लाभांश वितरण गर्ने घोषणा गरेको हो ।
उक्त लाभांश अब नियामक निकालय बीमा समितिबाट स्वीकृत भई कम्पनीको आगामी साधारण सभाले पारित गरेपछि वितरण हुनेछ ।
वि.सं.२०७८ चैत १४ सोमवार १६:२६ मा प्रकाशित
