काठमाडौं । नेपाल स्टक एक्सचेञ्ज (नेप्से)ले तीन कम्पनीको बोनस सेयरको मूल्य समायोजन गरेको छ । यस साता नेप्सले दुई इन्स्योरेन्ससहित तीन कम्पनीको मूल्य समायोजन गरेको हो ।
नेप्सेले आइएमई जनरल इन्स्योरेन्सको ७ प्रतिशत बोनस सेयरको मूल्य समायोजनपछि प्रतिकित्ता ६०२ रुपैयाँ ८० पैसा तोकेको छ । कम्पनीको बिहीबार कारोबार अन्तिम सेयर मूल्य ६४५ रुपैयाँको आधारमा समायोजन भएको हो ।
यस्तै, नेप्सेले प्रुडेन्सियल इन्स्योरेन्स कम्पनीको ७ प्रतिशत बोनस बापतको सेयर मूल्य समायोजन गरेको हो । समायोजनपछि नेप्से कम्पनीको सेयर मूल्य ६०२ रुपैयाँ ८० पैसा तोकेको छ ।
नेप्सेले बुधवार कायम भएको अन्तिम कारोबार मूल्य ६४५ रुपैयाँको आधारमा कम्पनीको सेयर मूल्य समायोजन गरेको हो ।
त्यसैगरि नेप्सेले नयाँ सारथी लघुवित्त वित्तीय संस्थाको सेयर मूल्य समायोजन गरेको छ ।
नेप्सेले कम्पनीको १९ प्रतिशत बोनस सेयरको मूल्य समायोजन गरेको हो । समायोजनपछि कम्पनीको सेयर मूल्य १ हजार ७४ रुपैयाँ १२ पैसा कायम भएको छ ।
नेप्सेले कम्पनीको मंगलबार कारोबार अन्तिम सेयर मूल्य १ हजार २७८ रुपैयाँ २० पैसाको आधारमा मूल्य समायोजन गरेको हो ।
वि.सं.२०७८ चैत २५ शुक्रवार १४:२१ मा प्रकाशित
