काठमाडौं । स्वस्तिक लघुवित्त वित्तीय संस्थाले चालु आर्थिक वर्ष २०७८/७९ चैत मसान्तस १ करोड १० लाख ४५ हजार रुपैयाँ नाफा कमाएको छ ।
आइतबार कम्पनीले सार्वजनिक गरेको चालु आवको तेस्रो त्रैमासिक वित्तीय विवरणले यस्तो देखाएको हो । जुन गत वर्षको सोही अवधिको तुलनामा २०.४४ प्रतिशतले बढी हो । गत वर्षको चैत मसान्तसम्ममा कम्पनीले ९१ लाख ७० हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि प्रतिशतले वृद्धि भई २ करोड ९५ लाख ३५ हजार रुपैयाँ पुगेको छ । गत वर्षको चैत मसान्तसम्म कम्पनीको यो आम्दानी २ करोड ३८ लाख १७ हजार रुपैयाँ रहेको थियो ।
यस्तै, गत वर्षको तेस्रो त्रैमासममा ७७ लाख ९९ हजार रुपैयाँ रहेको संचालन मुनाफा यस वर्षको सोही अवधिसम्म आईपुग्दा भने बढेर १ करोड ३३ लाख ४१ हजार रुपैयाँ पुगेको छ ।
कम्पनीको चुक्ता पुँजी ३ करोड ४६ लाख ५० हजार रुपैयाँ रहेको छ । कम्पनीले जगेडा तथा कोषमा भने २ करोड ८८ लाख ७४ हजार रुपैयाँ राखेको छ ।
उक्त अवधिमा कम्पनीको निष्क्रिय कर्जा पनि घटेको छ । गत वर्षको तेस्रो त्रैमासमा २.१० प्रतिशत रहेको कम्पनीको खराब कर्जा यस वर्षको सोही अवधिमा भने घटेर १.२८ प्रतिशत रहेको छ ।
वि.सं.२०७९ वैशाख १८ आइतवार १४:२२ मा प्रकाशित
