काठमाडौं । साताको तेस्रो कारोबार दिन सुनको भाउ स्थिर रहेको छ । आज नेपाली बजारमा छापावाला सुनको मूल्य तोलामा ९८ हजार रुपैयाँ कायम भएको छ ।
नेपाल सुनचाँदी व्यवसायी महासंघका अनुसार अघिल्लो दिन अर्थात सोमबार पनि सोही मूल्य निर्धारण भई खरिदबिक्री भएको थियो ।
महासंघका अनुसार आजका लागि तेजावी सुनको मूल्य पनि ९७ हजार ५ सय रुपैयाँ कायम भएको छ ।
यस्तै, मंगलबार चाँदीको मूल्य पनि स्थिर रहेको छ । अघिल्लो दिन तोलामा १ हजार २७० रुपैयाँ कारोबार भएको चाँदी आज पनि सोही मूल्यमा कारोबार हुने महासंघले जनाएको छ ।
वि.सं.२०७९ जेठ १० मंगलवार १०:४६ मा प्रकाशित
