काठमाडौं । गरिमा विकास बैंकले संस्थापक सेयर बिक्री गर्ने भएको छ ।
बैंकले संस्थापक सेयरधनी (समूह क) का केही सेयरधनीहरुले आफ्नो स्मामित्वमा रहेको सेयर बिक्री गर्न भन्दै निवेदन दिएका थिए ।
बैंकको जेठ ९ गते बसेको सञ्चालक समितिको बैठकले नेपाल राष्ट्र बैंकको निर्देशन बमोजिम संस्थापक सेयर बिक्री प्रक्रिया अगाडि बढाएको हो ।
बैंकको संस्थापक सेयर खरिद गर्न इच्छुक योग्य विद्यमान संस्थापक सेयरधनीहरुले आवेदन दिन सक्नेछन् ।
संस्थापक सेयरधनीहरुले आजैका मितिले ३५ दिनभित्र बैंकको प्रधान कार्यालय, लाजिम्पाटमा के कति कित्ता सेयर खरिद गर्न चाहेको हो विवरण खुलाई आवश्यक कागजातसहित निवेदन दिन सक्नेछन् ।
संस्थापक सेयर बिक्री गर्न चाहेका सेयधरनी, बिक्री सेयर संख्या (कित्ता) तथा सो को दर समेतका लागि बैंकको प्रधान कार्यालयमा सम्पर्क गर्न सकिने बैंकले जनाएको छ ।
तोकिएको उक्त म्यादभित्र विद्यामान संस्थापकहरुले सेयर खरिदका लागि आवेदन नदिएको खण्डमा भने प्रचलित कानून बमोजिम अन्य व्यक्ति वा संस्थालाई बिक्री गर्न आवश्यक कार्यबाही अघि बढाईने बैंकले जनाएको छ ।
वि.सं.२०७९ जेठ १२ बिहीवार ११:४१ मा प्रकाशित
