काठमाडौं । गरिमा विकास बैंकले बोनस सेयरमा लाग्ने कर बापतको रकम जम्मा गर्न आग्रह गरेको छ ।
एक सूचना निकाल्दै बैंकले १६ प्रतिशत बोनसमा लाग्ने कर बापतको रकम जम्मा गर्न भनेको हो ।
साविक सहारा विकास बैंकलाई प्राप्ति गरी एकीकृत कारोबार गरे पश्चात् सेयर खरीद गरेका सदस्यहरुले कर बापतको रकम बुझाउनुपर्ने जानकारी गराएको हो ।
एकीकृत कारोबार पश्चात् कायम सेयरधनीहरुले बोनस सेयरमा लाग्ने कर बापतको रकम गरिमा विकास बैंक लिमिटेडको लाजिम्पाट, काठमाडौंमा एनआईबिएल एस क्यापिटल जिबिबिएल बोनस ट्याक्स २०७७/७८ नाममा रहेको खाता नम्बर ०४०००१०१०१३८९३०००००१ मा जम्मा गर्न कम्पनीले भनेको छ ।
कम्पनीले यस वर्षको १६ प्रतिशत बोनस सेयर वितरणको प्रस्ताव चैत १८ गते सम्पन्न १५औं वार्षिक साधारण सभाबाट पारित गरेको थियो ।
हेर्नुहोस् सूचना:
वि.सं.२०७९ जेठ १२ बिहीवार १२:१५ मा प्रकाशित