काठमाडौं । नेपाल स्टक एक्सचेञ्ज (नेप्से) मा साता तीन कम्पनीको बोनस सेयर सूचीकृत भएको छ । नेप्सेमा तीन कम्पनीको १६ लाख ४० लाख ८४० कित्ता बोनस सेयर सूचीकृत भएको हो ।
बुधवार नेप्सेमा आरएसडीसी लघुवित्त वित्तीय संस्थाको १० प्रतिशत बापतको ७ लाख ३१ हजार ९५९.७६ कित्ता बोनस सेयर सूचीकृत भएको छ ।
यस्तै, मंगलबार नेप्सेमा सेन्ट्रल फाइनान्सको ७.७० प्रतिशत बापतको ६ लाख ७८ हजार ३९७.४९५९ कित्ता र साल्ट ट्रेडिङ कर्पोरेशनको १० प्रतिशत बापतको २ लाख ३० हजार ४८२.९० कित्ता बोनस सेयर नेप्सेमा सूचीकृत भएको हो ।
यी तीनै वटा कम्पनीहरुको बोनस सेयर अब सम्वन्धित सेयरधनीहरुको हितग्राही खातामा जम्मा भएपछि लगानीकर्ताले खरिदबिक्री गर्न सक्नेछन् ।
वि.सं.२०७९ जेठ १५ आइतवार ०८:३४ मा प्रकाशित
