काठमाडौं । वाणिज्य बैंकहरुले निक्षेप संकलन वृद्धि भएको छ । जेठ महिनमा बैंकहरुको निक्षेप २३ अर्ब रुपैयाँले वृद्धि भएको हो ।
नेपाल बैंकर्स एसोशियसनका अनुसार जेठ २७ गतेसम्म बैंकहरुले ४३ खर्ब ९३ अर्ब रुपैयाँ निक्षेप संकलन गरेका छन् । गत बैशाख मसान्तसम्ममा भने बैंकहरुको निक्षेप ४३ खर्ब ७० अर्ब रुपैयाँ मात्र रहेको थियो ।
बैंकर्स संघका अनुसार जेठ महिनको पहिलो साता बैंकहरुको निक्षेप ७ अर्ब रुपैयाँ, दोस्रो साता ६ अर्ब रुपैयाँ, तेस्रो साता ७ अर्ब रुपैयाँले र चौथो साता ३ अर्ब रुपैयाँले वृद्धि भएको हो ।
यस्तै, जेठ महिनामा बैंकहरुले २ अर्ब रुपैयाँ मात्रै कर्जा प्रवाह गरेका छन् । बैशाख ३० गते ४१ खर्ब ९१ अर्ब रुपैयाँ कर्जा प्रवाह गरेका बैंकहरुले जेठ २७ गतेसम्ममा २ अर्ब रुपैयाँ बढेको हो । योसंगै बैंकहरुको कर्जा प्रवाह ४१ खर्ब ९४ अर्ब रुपैयाँ पुगेको छ ।
उक्त अवधिमा बैंकहरुको औसत सीडी रेसियो भने ९०.२२ प्रतिशत रहेको छ ।
वि.सं.२०७९ जेठ ३१ मंगलवार १९:०९ मा प्रकाशित
