काठमाडौं । लुम्बिनी इन्स्योरेन्स र सगरमाथा जनरल इन्स्योरेन्स कम्पनीबीच मर्जरमा जाने प्रारम्भिक समझदारी भएको छ।
आज बिहान सगरमाथा र लुम्बिनी जनरल इन्स्योरेन्सबीच मर्जरमा जाने प्रारम्भिक समझदारी भएको हो।
समझदारीपत्रमा सगरमाथा इन्स्योरेन्सका तर्फबाट सञ्चालक लोकमान्य गोल्छा र लुम्बिनी जनरल इन्स्योरेन्सका तर्फबाट सञ्चालक अरुणराज श्रेष्ठले हस्ताक्षर गरेका छन्।
यी दुवै कम्पनीबीच १ः१ सेयर स्वाप अनुपातमा मर्जरमा जाने सहमती भएको हो ।
हाल सगरमाथा इन्स्योरेन्सको चुक्तापुँजी १ अर्ब ३३ करोड रुपैयाँ र लुम्बिनी जनरल इन्स्योरेन्सको १ अर्ब ३१ करोड रुपैयाँ रहेको छ। समान हैसियतमा मर्जर भएमा चुक्तापुँजी २ अर्ब ६४ करोड रुपैयाँ पुग्नेछ।
मर्जर सम्झौता भएसँगै दुवै कम्पनीले सेयर कारोबार रोक्का गर्न नेप्सेलाई आग्रह गरेका छन्।
वि.सं.२०७९ असार ३० बिहीवार १२:०१ मा प्रकाशित