काठमाडौं । नेपाल स्टक एक्सचेञ्ज (नेप्से)मा थप चार कम्पनीको बोनस सेयर सूचीकृत भएको छ ।
यस साता नेप्सेमा चार लघुवित्त वित्तीय संस्थाको ८३ लाख ३७ हजार २२९ कित्ता बोनस सेयर सूचीकृत भएको हो ।
नेप्सेमा निर्धन उत्थान लघुवित्तको २९.५० प्रतिशत, मिथिला लघुवित्तको २५ प्रतिशत, आरम्भ चौतारी लघुवित्तको १९. ६२ प्रतिशत र स्वालम्बन लघुवित्तका १९ प्रतिशत बोनस सेयर सूचीकृत भएको हो ।
जसमध्ये निर्धन उत्थान लघुवित्तको ५० लाख २५० कित्ता, मिथिला लघुवित्तको ३ लाख ४० हजार ८७४.३५७५ कित्ता, आरम्भ चौतारी लघुवित्तको ६ लाख २ हजार २०२.६१ कित्ता र स्वालम्बन लघुवित्तको १७ लाख ९१ हजार ७ सय कित्ता बोनस सेयर रहेको छ।
यी चारै वटा कम्पनीहरुका बोनस सेयर सम्वन्धित सेयरधनीहरुको हितग्राही खातामा आएपछि लगानीकर्ताले खरिदबिक्री गर्न सक्नेछन् ।
वि.सं.२०७९ असार ३१ शुक्रवार १४:३२ मा प्रकाशित
