काठमाडौं । ग्लोबल आइएमई बैंकले गत आर्थिक वर्ष २०७८/७९ को चौथो त्रैमासिक वित्तीय विवरण सार्वजनिक गरेको छ ।
बैंकको वित्तीय विवरण अनुसार गत आवको असार मसान्तसम्ममा बैंकले ५ अर्ब २० करोड ६४ लाख ५० हजार रुपैयाँ नाफा कमाउन सफल भएको छ । जुन अघिल्लो आवको सोही अवधिको तुलनामा भने २५ प्रतिशतले बढी हो । अघिल्लो आवको चौथो त्रैमासमा बैंकले ४ अर्ब १६ करोड ५१ लाख ५२ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि १७.५२ प्रतिशतले वृद्धि भई १० अर्ब ७४ करोड ६ लाख १८ हजार रुपैयाँ कायम भएको छ । अघिल्लो वर्षको असार मसान्तसम्ममा बैंकको यो आम्दानी ९ अर्ब १३ करोड ९१ लाख २८ हजार रुपैयाा रहेको थियो ।
गत आवको असार मसान्तसम्ममा बैंकले संचालन मुनाफा पनि २६.९० प्रतिशतले वृद्धि भई ७ अर्ब ५६ करोड १ लाख ५० हजार रुपैयाँ पुगेको छ । उक्त अवधिमा बैंकको वितरण योग्य मुनाफा पनि १५.८५ प्रतिशतले बढेर ३ अर्ब १९ करोड ९५ लाख ३६ हजार रुपैयाँ पुगेको छ ।
उक्त अवधिमा बैंकको २ अर्ब ७७ अर्ब ४९ करोड २० लाख १३ हजार रुपैयाँ निक्षेप संकलन गरेको छ भने २ खर्ब ५८ अर्ब ५४ करोड ४४ लाख २३ हजार रुपैयाँ कर्जा प्रवाह गरेको छ ।
बैंकको चुक्ता पुँजी २३ अर्ब ७९ करोड ५७ लाख ५३ हजार रुपैयाँ रहेको छ । बैंकले जगेडा तथा कोषमा भने १३ अर्ब ३५ करोड २६ लाख ११ रुपैयाँ राखेको छ ।
उक्त अवधिमा बैंकले खराव कर्जा पनि घटाएको छ । अघिल्लो आवको असार मसान्तसम्ममा १.४१ प्रतिशत रहेको खराब कर्जा गत आवको सोही अवधिमा आईपुग्दा भने १.२२ प्रतिशतमा झारेको छ ।
गत आवको असार मसान्तसम्ममा बैंकको प्रतिसेयर आम्दानी पनि २ रुपैयाँ ६३ पैसाले बढेर २१ रुपैयाँ ८८ पैसा कायम भएको छ । बैंकको प्रतिसेयर नेटवर्थ भने ५ रुपैयाँले बढेर १५६ रुपैयाँ ११ पैसा पुगेको छ ।
वि.सं.२०७९ साउन ६ शुक्रवार १०:३५ मा प्रकाशित
