काठमाडौं । नेपाल क्रेडिट एण्ड कमर्श (एनसीसी) बैंकले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार बैंकले उक्त अवधिमा २ अर्ब २ करोड २२ लाख २२ हजार रुपैयाँ नाफा कमाएको छ । जुन अघिल्लो वर्षको असार मसान्तसम्मको तुलनामा भने यो ५१.९८ प्रतिशतले बढी हो । अघिल्लो वर्षको सोही अवधिमा बैंकको नाफा १ अर्ब ३३ करोड ६ लाख २५ हजार रुपैयाँ रहेको थियो ।
उक्त अवधिमा बैंकको खुद ब्याज आम्दानी पनि ३१.९३ प्रतिशतले वृद्धि भई ४ अर्ब १५ करोड ५६ लाख ५१ हजार रुपैयाँ पुगेको छ । बैंकको संचालन मुनाफा पनि ३९.१७ प्रतिशतले बढेर २ अर्ब ६७ करोड २१ लाख २९ हजार रुपैयाँ कायम भएको छ । गत आवको चौंथो त्रैमाससम्ममा बैंकको वितरण योग्य मुनाफा पनि १०६.२६ प्रतिशतले बढेर १ अर्ब ४७ करोड ४२ लाख ८७ हजार रुपैयाँ पुगेको छ ।
यस्तै, उक्त अवधिमा बैंकको खराब कर्जा भने ०.१७ प्रतिशतले वृद्धि भई १.९३ प्रतिशत पुगेको छ । अघिल्लो आवको असार मसान्तसम्ममा भने यो कर्जा १.७६ प्रतिशत रहेको थियो ।
बैंकको चुक्ता पुँजी ११ अर्ब १३ करोड ९६ लाख ६७ हजार रुपैयाँ रहेको छ । बैंकले जगेडा तथा कोषमा भने ५ अर्ब ३२ करोड ३९ लाख ९ हजार रुपैयाँ राखेको छ ।
उक्त अवधिमा बैंकको प्रतिसेयर आम्दानी पनि ५ रुपैयाँ २५ पैसाले बढेर १८ रुपैयाँ १५ पैसा कायम भएको छ । प्रतिसेयर नेवटर्थ भने १४७ रुपैयाँ ७९ पैसा रहेको छ ।
वि.सं.२०७९ साउन ९ सोमवार ०९:१८ मा प्रकाशित