![४३.७७ प्रतिशतले बढ्यो एभरेष्ट बैंकको नाफा : प्रतिसेयर आम्दानी पनि वृद्धि, कस्तो छ अन्य सूचकहरु ? ४३.७७ प्रतिशतले बढ्यो एभरेष्ट बैंकको नाफा : प्रतिसेयर आम्दानी पनि वृद्धि, कस्तो छ अन्य सूचकहरु ?](https://www.arthatantra.com/wp-content/uploads/2021/04/everest-bank-2.jpg)
काठमाडौं । एभरेष्ट बैंक लिमिटेडले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
उक्त अवधिमा बैंकले २ अर्ब ५४ करोड ६० लाख ५९ हजार रुपैयाँ नाफा कमाएको छ । जुन अघिल्लो आवको चौंथो त्रैमाससम्मको तुलनामा ४३.७७ प्रतिशतले बढी हो । अघिल्लो आवको सोही अवधिमा बैंकले १ अर्ब ७७ करोड ९ लाख ३९ हजार रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी ३७.१५ प्रतिशतले वृद्धि भई ५ अर्ब ४२ करोड ५९ लाख ७७ हजार रुपैयाँ कायम भएको छ । बैंकको यो आम्दानी अघिल्लो वर्षको चौंथो त्रैमासमा भने ३ अर्ब ९५ करोड ६३ लाख १९ हजार रुपैयाँ रहेको थियो ।
यस्तै, गत आवको असार मसान्तसम्ममा बैंकको संचालन मुनाफा पनि ४२.८२ प्रतिशतले वृद्धि भई ३ अर्ब ६३ करोड ९६ लाख ५५ हजार रुपैयाँ पुगेको छ । बैंकको वितरण योग्य मुनाफा भने ३ अर्ब ८९ करोड ५४ लाख ५४ हजार रुपैयाँ रहेको छ ।
बैंकको चुक्ता पुँजी ९ अर्ब ४६ करोड ७३ लाख ४० हजार रुपैयाँ रहेको छ । उक्त अवधिमा बैंकले जगेडा तथा कोषमा भने १३ अर्ब २२ करोड ६८ लाख ६० हजार रुपैयाँ राखेको छ ।
गत आवमा बैंकको खराब कर्जा झिनो (०.१२ प्रतिशतले) वृद्धि भई ०.२४ प्रतिशत पुगेको छ । बैंकको प्रतिसेयर आम्दानी पनि वृद्धि भएको छ । उक्त अवधिमा बैंकको यो आम्दानी ७ रुपैयाँ ७ पैसाले बढेर २६ रुपैयाँ ८९ पैसा कायम भएको छ । प्रतिसेयर नेटवर्थ भने २४० रुपैयाँ ७३ पैसा रहेको छ ।
वि.सं.२०७९ साउन १२ बिहीवार ११:१५ मा प्रकाशित