काठमाडौं । छिमेक लघुवित्त वित्तीय संस्थाले १ अर्ब बढी नाफा कमाएको छ । गत आर्थिक वर्षको चौंथो त्रैमासमा कम्पनीले १ अर्ब ३ करोड ३३ लाख ८३ हजार रुपैयाँ नाफा गरेको हो ।
मंगलबार प्रकाशित कम्पनीको वित्तीय विवरण अनुसार अघिल्लो आवको तुलनामा भने नाफामा २१.४३ प्रतिशतले गिरावट आएको छ । अघिल्लो आवमा कम्पनीले १ अर्ब ३१ करोड ३८ लाख ५५ हजार रुपैयाँ नाफा कमाएको थियो ।
गत आवमा कम्पनीले २ अर्ब ४९ करोड ५ लाख २४ हजार रुपैयाँ खुद ब्याज आम्दानी गरेको छ । अघिल्लो आवको तुलनामा भने कम्पनीको यो आम्दानी ११.६९ प्रतिशतले बढी हो ।
उक्त अवधिमा कम्पनीको संचालन मुनाफामा पनि १२.५९ घटेर १ अर्ब ६० करोड ७८ लाख १९ हजार रुपैयाँ कायम भएको छ । कम्पनीको वितरण योग्य मुनाफा ७६ करोड ४३ हजार ११ हजार रुपैयाँ रहेको छ ।
कम्पनीको चुक्ता पुँजी २ अर्ब ३२ करोड ४१ लाख रुपैयाँ रहेको छ । कम्पनीको जगेडा तथा कोषमा भने ३ अर्ब ५८ करोड ३७ लाख २६ हजार रुपैयाँ राखेको छ ।
कम्पनीको प्रतिसेयर आम्दानीमा पनि २७ रुपैयाँ ३८ पैसाले गिरावट आई ४४ रुपैयाँ ७७ पैसा कायम भएको छ । कम्पनीको प्रतिसेयर नेटवर्थ भने २५४ रुपैयाँ २ पैसा रहेको छ ।
वि.सं.२०७९ साउन १७ मंगलवार १३:०१ मा प्रकाशित
