काठमाडौं । कारोबारमा आएको पहिलो दिन हिमालयन हाइड्रोपावर कम्पनीको सेयर मूल्यमा उछाल आएको छ ।
सोमबारदेखि कारोबारमा आएको कम्पनीको सेयर मूल्यमा सकरात्मक सर्किट लागेको हो । आज कम्पनीको सेयर मूल्य १० प्रतिशतले वृद्धि भएको छ ।
उक्त दिन कम्पनीको सेयर मूल्य प्रतिकित्ता २२ रुपैयाँ ८० पैसाले वृद्धि भई २५० रुपैयाँ ८० पैसा कायम भएको छ ।
आज कम्पनीको प्रतिकित्ता २२८ रुपैयाँमा पहिलो कारोबार भएको हो । नेपाल स्टक एक्सचेञ्ज नेप्सेका अनुसार आज कम्पनीको १ लाख ९३ हजार रुपैयाँ बराबरको ७८० कित्ता सेयर किनबेच भएको छ ।
साउन २० गते कम्पनीको १ करोड ९ लाख ५० हजार कित्ता सेयर सूचीकृत नेप्सेमा भएको थियो । आइतवार प्रि–ओपन सेशनमा म्याचिङ नभएका कारण कम्पनीको सेयर कारोबार हुन सकेको थिएन ।
वि.सं.२०७९ साउन २३ सोमवार १५:२८ मा प्रकाशित
