काठमाडौं । अपर हेवाखोला हाइड्रोपावर कम्पनीको आईपीओ नेपाल स्टक एक्चेञ्ज (नेप्से) मा सूचीकृत भएको छ ।
कम्पनीको बुधवार ५० लाख कित्ता सेयर सूचीकृत भएको छ । कम्पनीको स्टक सिम्बोल युएचईडब्लुए रहेको छ ।
कम्पनीले उद्योग प्रभावित क्षेत्रका स्थानीय बासिन्दकाहरूका लागि निष्काशन गरेको ५० हजार, सर्वसाधारणको लागि निष्कासन गरेको १५ लाख कित्ता र संस्थापकहरूले लगानी गरेको ३० लाख कित्ता गरेर कुल ५० लाख कित्ता साधारण सेयर सूचीकृत गराएको हो ।
कम्पनीको आईपीओ अब भोलि अर्थात साउन २६ गते बिहीबारदेखि दोस्रो बजारमा कारोबार हुनेछ । कम्पनीको आईपीओलाई नेप्सेले पहिलो कारोबारको लागि १०० रुपैयाँदेखि ३०० रुपैयाँ ओपन रेञ्ज तोकेको छ ।
कम्पनीले गत असार २४ गतेदेखि प्रतिकित्ता १०० अंकित मूल्यका दरले १५ लाख कित्ता साधारण सेयर निष्काशन गरेको हो । जसमध्ये ५ प्रतिशत अर्थात् ७५ हजार कित्ता सामूहिक लगानी कोष र २ प्रतिशत अर्थात् ३० हजार कित्ता सेयर कर्मचारीहरुका लागि छुट्याइएको छ । बाँकी १३ लाख ९५ हजार कित्ताका लागि सर्वसाधारणले आवेदन दिन सक्ने व्यवस्था गरेको थियो ।
वि.सं.२०७९ साउन २५ बुधवार १८:२० मा प्रकाशित