काठमाडौं । मंगलबार सेयर बजारमा गिरावट आएको छ । अघिल्लो दिन सोमबार ५५.८८ अंकले बढेको बजार आज २४.८३ अंकले घटेको हो । उक्त दिन बजार परिसुचक नेप्से २०४१.०६ अंकको बिन्दुमा पुगेर बन्द भएको छ ।
उक्त दिन कारोबार रकममा भने बढोत्तरी देखिएको छ । आज २ अर्ब ७३ करोड ४८ लाख ५३ हजार रुपैयाँ बराबरको ६४ लाख ६ हजार ७३८ कित्ता सेयर खरिदबिक्री भएको हो ।
आज रिडी पावर कम्पनीको सर्वाधिक सेयर कारोबार भएको छ । कम्पनीको आज ४० करोड ८२ लाख ४७ हजार रुपैयाँ बराबरको सेयर किनबेच भएको छ ।
यस्तै,कारोबार रकमको आधारमा दोस्रो स्थानमा रहेको शिवम् सिमेन्टको ८ करोड ६८ लाख ५२ हजार रुपैयाँ बराबरको सेयर खरिदबिक्री भएको छ ।
वि.सं.२०७९ साउन ३१ मंगलवार १५:०९ मा प्रकाशित
