काठमाडौं । साल्ट ट्रेडिङग कर्पोरेशन लिमिटेडको नाफा साढे ३ करोडमा सिमित भएको छ ।
कम्पनीले बिहीबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आव कम्पनीको नाफा २१.१४ प्रतिशतले घटेर ३ करोड ७७ लाख ८४ हजार रुपैयाँ कायम भएको छ । अघिल्लो आवमा कम्पनीले ४ करोड ७९ लाख २० हजार रुपैयाँ नाफा कमाएको थियो ।
गत आवमा कम्पनीको बिक्रीबाट हुने आम्दानी पनि पनि ३१.०८ प्रतिशतले घटेर ७ अर्ब १७ करोड १ लाख १२ हजार रुपैयाँ कायम भएको छ । अघिल्लो आवको सोही अवधिमा कम्पनीको यो आम्दानी १० अर्ब ४० करोड ३५ लाख ८७ हजार रुपैयाँ रहेको थियो ।
गत आवमा कम्पनीको कर्मचारी खर्च ३० करोड ३० लाख ५९ हजार र प्रशासकीय खर्च १३ करोड ८७ लाख ४३ हजार रुपैयाँ रहेको छ।
कम्पनीको प्रतिसेयर आम्दानी १४ रुपैयाँ ९० पैसा र प्रतिसेयर नेटवर्थ ४३८ रुपैयाँ ७ पैसा रहेको छ ।
कम्पनीको चुक्ता पुँजी २५ करोड ३५ लाख ३१ हजार रुपैयाँ रहेको छ भने जगेडा तथा कोषमा भने १ अर्ब ३४ करोड ८३ लाख ६१ हजार रुपैयाँ रहेको छ ।
वि.सं.२०७९ भदौ २ बिहीवार १३:३७ मा प्रकाशित