काठमाण्डौं । नेपाल आयल निगमले हिजो मंगलबार राति १२ बजेदेखि लागू हुने गरी पेट्रोल, डिजेल, मट्टितेल र एलपीजी ग्यासको मूल्य घटाएको छ । अन्तर्रा्ष्ट्रिय बजारमा कच्चा तेलको मूल्य घटेपछि भारतीय आयल कर्पोरशेनले तेलको मूल्य घटाएर आयल निगमलाई पठाएको थियो ।
जस अनुसार पेट्रोल, डिजेल, मट्टितेलमा प्रतिटिर २ रुपैयाँका दरले मूल्य घटाइएको निगमका प्रवक्ता मुकुन्द घिमिरेले जानकारी दिए । यसैगरी खाना पकाउने ग्याँसमा भने प्रति सिलिण्डर २५ रुपैयाँका दरले मूल्य घटाइएको छ । यसअघि प्रतिसिलिण्डर १ हजार ४ सय रुपैयाँ पर्ने ग्यास अब १ हजार ३ सय ७५ रुपैयाँमा पाइने छ ।
त्यस्तै पट्रोल अब प्रतिलिटर ९७ रुपैयाँमा पाइनेछ । यसअघि प्रतिलिटर ९९ रुपैयाँ रहेको थियो । अब डिजेल र मट्टितेल लिटरमा ७३ रुपैयाँ पाइने छ । यसअघि डिजेल र मट्टितेल प्रतिलिटर ७५ रुपैयाँमा पाइन्थ्यो ।
१९ साउन २०७३, १०।००
वि.सं.२०७३ साउन १९ बुधवार ११:३७ मा प्रकाशित
