काठमाडौं। बैंकहरुले कार्तिक महिनामा मुद्दती निक्षेप तथा बचतको ब्याज नबढाउने निर्णय गरे पनि कर्जाको ब्याज भने बढाउने भएका छन् । वाणिज्य बैंकहरुले कात्तिक १ गतेदेखि लागू हुनेगरी कर्जाको ब्याज बढाउने भएका हुन् ।
बैंकहरुले प्रकाशित गरेको कर्जाको नयाँ ब्याजदरअनुसार कात्तिकमा कर्जाको ब्याजदर १८.२८ प्रतिशतसम्म पुगेको हो । कात्तिक महिनामा सबैभन्दा बढी बैंक अफ काठमाण्डूको ब्याजदर १८.२८ प्रतिशत र सबैभन्दा कम राष्ट्रिय वाणिज्य बैंकको १२.८६ प्रतिशत ब्याज रहेको छ ।
अहिले बैंकहरुको औषत आधारदर ९.९२ प्रतिशत रहेको छ । औषतभन्दा कम आधारदर तोक्ने १० वटा बैंक रहेका छन् भने बाँकी बैंकको आधारदर औषतभन्दा बढी रहेको छ ।
सिभिल बैंक
सबैभन्दा बढी आधारदर भएको बैंकमा सिभिल बैंक रहेको छ । सिभिल बैंकको आधारदर ११.१५ प्रतिशत रहेको छ । सिभिल बैंकबाट कर्जा लिँदा आधारदरमा ७ प्रतिशतसम्म प्रिमियम थपिन्छ । यसरी हेर्दा सिभिल बैंकबाट कर्जा लिँदा १८.१५ प्रतिशत ब्याज लाग्ने छ ।
बैंक अफ काठमाण्डू
बैंक अफ काठमाण्डूको आधारदर पनि १० प्रतिशतभन्दा बढी छ । यो बैंकको आधारदर १०.२८ प्रतिशत छ भने प्रिमियम ८ प्रतिशत थप्दा यो बैंकको ब्याजदर १८.२८ प्रतिशत पुग्छ ।
राष्ट्रिय वाणिज्य बैंक
सबैभन्दा कम ब्याज सरकारी स्वामित्वमा रहेको राष्ट्रिय वाणिज्य बैंकको रहेको छ । राष्ट्रिय वाणिज्य बैंकको आधारदर ७.८६ प्रतिशत र ५ प्रतिशत प्रिमियम थप्दा १२.८६ पुग्छ ।
माछापुच्छ्रे बैंक
माछापुच्छ्रे बैंकबाट कर्जा लिँदा अधिकतम १७.८७ प्रतिशत ब्याज लाग्नेछ । बैंकको आधारदर १०.३६ प्रतिशत रहेको छ । त्यसमा ७.५ प्रतिशत प्रिमियम थपिने छ ।
सनराइज बैंक
सनराइज बैंकबाट कर्जा लिँदा १७.८१ प्रतिशत ब्याज लाग्नेछ । बैंकको आधारदर १०.८१ प्रतिशत रहेको छ ।
सेन्चुरी बैंक
यस्तै सेन्चुरी बैंकबाट कर्जा लिँदा १७.७५ प्रतिशत ब्याज लाग्नेछ । बैंकको आधारदर १०.७५ प्रतिशत रहेको छ । आधारदरमा ७ प्रतिशत प्रिमियम थपिनेछ ।
एनसीसी बैंक
एनसीसी बैंकबाट कर्जा लिँदा १७.५२ प्रतिशतसम्म ब्याज लाग्नेछ । बैंकको आधारदर १०.५२ प्रतिशत रहेको छ भने त्यसमा ७ प्रतिशत प्रिमियम थपिने छ ।
मेगा बैंक
मेगा बैंकबाट कर्जा लिने ऋणीले १७.४६ प्रतिशत ब्याज तिर्नु पर्नेछ । अहिले बैंकको आधारदर १०.४६ प्रतिशत रहेको छ । त्यसमा अधिकतम ७ प्रतिशत प्रिमियम थपिनेछ ।
कुमारी बैंक
कुमारी बैंकबाट कर्जा लिँदा १७.३७ प्रतिशतसम्म ब्याज लाग्नेछ । बैंकको आधारदर १०.८७ प्रतिशत रहेको छ । त्यसमा अधिकतम ६.५ प्रतिशत प्रिमिमय थपिने छ ।
सानिमा बैंक
सानिमा बैंकबाट कर्जा लिँदा १७.०४ प्रतिशत ब्याज लाग्नेछ । बैंकको आधारदर १०.०४ प्रतिशत रहेको छ । त्यसमा ७ प्रतिशत प्रिमियम थपिनेछ ।
प्राइम बैंक
प्राइम बैंकबाट कर्जा लिँदा १६.९८ प्रतिशत ब्याज लाग्नेछ । बैंकको आधारदर ९.९९ प्रतिशत रहेको छ । त्यसमा ६.९९ प्रतिशत प्रिमियम थपिनेछ ।
एनआईसी एशिया
एनआईसी एशिया बैंकबाट कर्जा लिँदा १६.८३ प्रतिशतसम्म ब्याज लाग्नेछ । बैंकको आधारदर १०.३३ प्रतिशत रहेको छ । त्यसमा अधिकतम ६.५ प्रतिशतसम्म प्रिमियम थपिने छ ।
प्रभु बैंक
प्रभु बैंकबाट कर्जा लिँदा १६.६२ प्रतिशतसम्म ब्याज लाग्नेछ । बैंकको आधारदर ९.६२ प्रतिशत रहेको छ । त्यसमा ७ प्रतिशत प्रिमियम थपिनेछ ।
सिटिजन्स बैंक
सिटिजन्स बैंकबाट कर्जा लिँदा १६.५५ प्रतिशत ब्याज लाग्नेछ । बैंकको आधारदर १०.५५ प्रतिशत रहेको छ । आधारदरमा ६ प्रतिशत प्रिमियम थपिनेछ ।
लक्ष्मी बैंक
लक्ष्मी बैंकबाट कर्जा लिँदा १६.३१ प्रतिशत अधिकतम ब्याज लाग्नेछ । बैंकको आधारदर १०.३१ प्रतिशत रहेको छ । त्यसमा अधिकतम ६ प्रतिशत प्रिमियम थपिनेछ ।
एभरेष्ट बैंक
एभरेष्ट बैंकबाट कर्जा लिदाँ अधिकतम १६.२५ प्रतिशतसम्म ब्याज तिर्नु पर्नेछ । बैंकको आधारदर ९.२५ प्रतिशत रहेको छ । त्यसमा अधिकतम ७ प्रतिशत प्रिमियम थपिने छ ।
नेपाल इन्भेष्टमेन्ट बैंक
नेपाल इन्भेष्टमेन्ट बैंकबाट ऋण लिँदा १६.१३ प्रतिशत ब्याज तिुर्न पर्ने हुन्छ । यो बैंकको आधारदर ९.१३ प्रतिशत रहेकोछ । बैंकबाट कर्जा लिँदा आधारदरमा ७ प्रतिशत प्रिमियम थपिने छ ।
नेपाल एसबीआई बैंक
नेपाल एसबीआई बैंकबाट कर्जा लिँदा ऋणीले १६.०६ प्रतिशतसम्म ब्याज तिर्नु पर्ने छ । यो बैंकको आधारदर १०.०६ प्रतिशत रहेको छ । आधारदरमा ६ प्रतिशत प्रिमियम थपिने छ ।
एनएमबी बैंक
यस्तै एनएमबी बैंकबाट कर्जा लिँदा १६.२ प्रतिशत ब्याज लाग्नेछ । बैंकको आधारदर १०.०२ प्रतिशत रहेको छ । त्यसमा ६ प्रतिशत प्रिमियम थपिनेछ ।
ग्लोबल आइएमई बैंक
ग्लोबल आइएमई बैंकबाट कर्जा लिँदा १६.१ प्रतिशत ब्याज लाग्नेछ । बैंकको आधारदर १०.१ प्रतिशत रहेको छ । त्यसमा ६ प्रतिशत प्रिमियम थपिनेछ ।
स्टयान्डर्ड चार्टर्ड बैंक
कात्तिक महिनाका लागि स्टयान्डर्ड चार्टर्ड बैंकबाट कर्जा लिँदा १५.९५ प्रतिशत ब्याज तिर्नु पर्नेछ । बैंकको आधारदर ८.४५ प्रतिशत रहेको छ भने त्यसमा ७.५ प्रतिशत प्रिमियम थपिनेछ ।
हिमालयन बैंक
हिमालयन बैंकबाट कर्जा लिँदा १५.८८ प्रतिशत ब्याज लाग्नेछ । जसको आधारदर ९.८८ प्रतिशत रहेको छ भने त्यसमा ६ प्रतिशत प्रिमियम थपिनेछ ।
सिद्धार्थ बैंक
यस्तै सिद्धार्थ बैंकबाट कर्जा लिँदा अधिकतम १५.८५ प्रतिशत ब्याज लाग्नेछ । बैंकको आधारदर ९.८५ प्रतिशत रहेको छ । त्यसमा ६ प्रतिशत प्रिमियम थपिने छ ।
नबील बैंक
नबील बैंकबाट कर्जा लिँदा १५.७७ प्रतिशत ब्याज लाग्नेछ । बैंकको आधारदर ८.७७ प्रतिशत रहेको छ । त्यसमा अधिकतम ७ प्रतिशत प्रिमियम थपिनेछ ।
नेपाल बैंक
नेपाल बैंकबाट कर्जा लिँदा १४.४१ प्रतिशत ब्याज लाग्ने छ । बैंकको आधारदर ८.९१ प्रतिशत रहेको छ । त्यसमा ५.५ प्रतिशत प्रिमियम थपिने छ ।
कृषि विकास बैंक
कृषि विकास बैंकबाट कर्जा लिँदा १४.२७ प्रतिशतसम्म ब्याज लाग्ने छ । बैंकको आधारदर ९.२७ प्रतिशत रहेको छ । त्यसमा अधिकतम ५ प्रतिशत प्रिमियम थपिने छ ।
वि.सं.२०७९ कात्तिक २ बुधवार ०७:०५ मा प्रकाशित
