काठमाडौं । समृद्धि फाइनान्स कम्पनी लिमिटेडले चालु आर्थिक वर्षको पहिलो त्रैमाससम्मको वित्तीय विवरण प्रकाशित गरेको छ।
चालु आर्थिक वर्षको पहिलो तीन महिनामा फाइनान्सले ३ करोड १४ लाख ६३ हजार रुपैयाँ नोक्सानीमा रहेको छ । गत आर्थिक वर्षको सोही अवधिसम्ममा कम्पनीले २६ लाख ५२ हजार रुपैयाँ नाफा कमाएको थियो।
समीक्षा अवधिमा फाइनान्सको खुद ब्याज आम्दानी १२९.२४ प्रतिशत बढेको छ भने खुद फि तथा कमिसन आम्दानी ५२.१६ प्रतिशत घटेको छ। फाइनान्सको इम्पेरमेन्ट चार्ज २२ लाख रुपैयाँबाट बढेर ३ करोड ७८ लाख रुपैयाँ पुगेको छ। जसकारण सञ्चालन मुनाफा ३ करोड ६५ लाख रुपैयाँ ऋणात्मक भएको छ।
नाफासँगै फाइनान्सको प्रतिशेयर आम्दानी अर्थात ईपीएस पनि नोक्सानमा रहेको छ। असोज मसान्तसम्ममा फाइनान्सको प्रतिशेयर आम्दानी १६ रुपैयाँ ९६ पैसा नोक्सानमा रहेको छ भने प्रतिशेयर नेटवर्थ ७८ रुपैयाँ ५७ पैसा रहेको छ।
चालु आर्थिक वर्षको पहिलो ३ महिनामा फाइनान्सको चुक्ता पूँजी स्थिर रहेको छ भने जगेडा कोष १५ करोड ९० लाख रुपैयाँ नोक्सानमा रहेको छ। फाइनान्सको निक्षेप ७.४७ प्रतिशत बढेको छ भने कर्जा ३.४४ प्रतिशत बढेको छ।
वि.सं.२०७९ कात्तिक १६ बुधवार १४:१६ मा प्रकाशित
