काठमाण्डौं । सिजी इलेक्ट्रोनिक्सले आर्थिक वर्ष ०७३/७४ सुरु भएसँगैे एलइडी टिभीको लाईनअप बिस्तार गरेको छ। यसअन्तर्गत लोडसेडिङका बेलामा पनि हेर्न मिल्ने ब्याट्री कम्प्याटिबल टिभी बजारमा ल्याएको कम्पनीले जनाएको छ।
बजारमा ल्याएको मोडल नम्बर Cg_20E1302 , Cg_24E1302, Cg_32D1502 का एलइडी टिभी १२ भोल्ट ब्याट्रीबाट चल्ने सिजीले जनाएको छ। केही समयसम्म १० प्रतिशत छुटसहित २० इन्चको १६ हजार ५ सय ९०, २४ इन्चको २१ हजार १ सय ७० र ३२ इन्चको २८ हजार २ सय ५० रुपैयाँ मूल्यमा उपलब्ध छ।
यी टिभी सोलार प्यालनबाट चार्ज गरिएको ब्याट्रीबाट चलाउन सकिने र एसी तथा डिसी दुबै पावर सप्लाईबाट चल्ने कम्पनीले जनाएको छ। एसीबाट चलाउन एउटा एक्स्टर्नल एडेप्टर पनि उपलब्ध गराईएको कम्पनीले जनाएको छ।
यसले गर्दा चट्याङ्ग पर्दा पनि टिभीको इन्टर्नल मदर बोर्डलाई पावर ‘फ्ल्कचोयसन’बाट जोगिने कम्पनीले दाबी गरेको छ। डिसीबाट चलाउन पनि केबल उपलब्ध रहेको कम्पनीले जनाएको छ। यसबाहेक टिभीमा थप बक्स स्पिकर पनि जडान गरिएको छ।
प्रकाशितः २०७३ साउन २८
वि.सं.२०७३ साउन २८ शुक्रवार १३:५६ मा प्रकाशित