काठमाडौं । निर्जीवन बिमा कम्पनीहरुले चालु आर्थिक वर्षको पहिलो त्रैमासमा १० अर्ब ८४ करोड २४ लाख रुपैयाँ कुल बिमा शुल्क आर्जन गरेका छन् ।
नेपाल बीमा प्राधिकरणले सार्वजनिक गरेको असोज मसान्तसम्मको तथ्यांक अनुसार सञ्चालनमा रहेका १९ वटा निर्जीवन बिमा कम्पनीहरुले उक्त बिमा शुल्क आर्जन गरेका हुन् । यो गत आर्थिक वर्षको यहि अवधिको तुलनामा ११.८५ प्रतिशतले धेरै हो ।
गत आर्थिक वर्षको असोजसम्ममा निर्जीवन बीमा कम्पनीहरुले ९ अर्ब ६९ करोड ३४ लाख रुपैयाँ कुल बीमाशुल्क आर्जन गरेका थिए ।
यो अवधिमा बिमाशुल्क आर्जनमा राष्ट्रिय बिमा कम्पनीले अधिपत्य जमाएको छ । कम्पनीले पहिलो त्रैमासमा सबैभन्दा धेरै कुल १ अर्ब २४ करोड ४५ लाख रुपैयाँ बिमा शुल्क आर्जन गरेको छ ।
दोस्रोमा शिखर इन्स्योरेन्सले १ अर्ब २ करोड रुपैयाँ र तेस्रोमा सगरमाथा इन्स्योरेन्सको ८५ करोड ८४ लाख रुपैयाँ रहेको छ ।
बीमा समितिको तथ्यांक अनुसार नेको इन्स्योरेन्स कम्पनीले ८२ करोड रुपैया, सिद्धार्थ इन्स्योरेन्सले ७६ करोड रुपैयाँ, हिमालयन एभरेष्टले ७३ करोड रुपैयाँ, एनएलजी इन्स्योरेन्सले ६१ करोड रुपैयाँ, प्रिमियर इन्स्योरेन्सले ५६ करोड रुपैयाँ, लुम्बिनी जनरल इन्स्योरेन्सले ५० करोड रुपैयाँ , अजोड इन्स्योरेन्सले ४६ करोड रुपैयाँ र आइएमई जनरलले ४४ करोड रुपैयाँ कुल बीमाशुल्क आर्जन गर्न सफल भएका छन् ।
त्यसैगरी, प्रभु इन्स्योरेन्सले ४१ करोड रुपैयाँ, नेपाल इन्स्योरेन्सले ४३ करोड रुपैयाँ, दि ओरियरन्टल ३९ करोड रुपैयाँ, युनाईटेड इन्स्योरेन्सले ३२ करोड रुपैयाँ, प्रुडेन्सियल इन्स्योरेन्सले ३५ करोड रुपैयाँ, नेशनल इन्स्योरेन्सले ३२ करोड रुपैयाँ ,सानिमा जनरलले २८ करोड रुपैयाँ र जनरल इन्स्योरेन्सले २५ करोड रुपैयाँ कुल बीमाशुल्क आर्जन गरेका छन् ।
वि.सं.२०७९ कात्तिक २२ मंगलवार १६:३८ मा प्रकाशित
