काठमाडौं । नेरुडे लघुवित्त वित्तीय संस्थाले ५ आर्थिक वर्षको नगद लाभांश बुझिलिन सेयरधनीलाई आग्रह गरेको छ ।
सेयरधनीले ५ वर्ष अघिको नगद लाभांश लिन नआएपछि सूचना जारी गरेरै लिन बोलाएको हो । लघुवित्तले ३५ दिन भित्र लाभांश बुझिलिन आग्रह समेत गरेको छ ।
लगानीकर्ताले नगद लाभांश लिन जाँदा सेयर प्रमाणपत्र वा डिम्याट खाता नम्बरका साथै परिचयपत्र लिई लघुवित्तको सेयर रजिष्ट्रार आरविवि मर्चेण्ट बैंकिङ लिमिटेड टेकुमा सम्पर्क गर्नुपर्नेछ ।
संस्थाले अहिलेसम्म नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न पनि भनेको छ ।
लाभांश लिन बाँकी सेयरधनीहरुको विवरण संस्थाको वेवसाइटमा प्रकाशित गरिएको पनि संस्थाले जानकारी दिएको छ ।
वि.सं.२०७९ कात्तिक २३ बुधवार १०:१३ मा प्रकाशित
