काठमाडौं । बरुण हाइड्रोपावर कम्पनी लिमिटेडले कार्तिक १४ गतेदेखि कार्तिक २१ गतेसम्म लिलाम बढाबढ गरी बिक्री खुल्ला गरेको अवितरित हकप्रद सेयर बाँडफाँड गरिएको छ ।
उक्त अवितरित हकप्रद सेयरमा परेका बोलपत्रहरू कार्तिक २८ गते, सोमबार खोलिएर कार्तिक २९ गते, मंगलबार बाँडफाँड गरिएको हो । लिलामी सेयरमा एक सय ९१ रूपैयाँ ३४ पैसा कट अफ कायम भएको छ ।
कम्पनीले भदौ ६ गतेदेखि भदौ ३१ गतेसम्म निष्कासन गर्दा बिक्री नभएको सर्वसाधारण समूहको ३ लाख ५५ हजार ६९ कित्ता हकप्रद सेयर लिलाम बढाबढ गरी बिक्री गरेको थियो ।
बोलपत्रमा नपरेका बोलपत्रवालाहरुलाई बोलपत्र फाराममा उल्लेख गरेको बैंक खातामा आज अर्थात मंसिर २ गते, शुक्रबारबाट रकमान्तर गरिने पनि कम्पनीले जानकारी दिएको छ ।
वि.सं.२०७९ मंसिर २ शुक्रवार १२:३५ मा प्रकाशित
