काठमाण्डौं । भवन तथा निर्माण सामग्री सम्बन्धी सबै जानकारी समेटिएको भवन तथा निर्माण सामग्रीको वृहत प्रदर्शनी आजदेखि भृकुटीमण्डपस्थित प्रदर्शनी कक्षमा सुरु भएको छ।
चार दिनसम्म चल्ने सो प्रदर्शनीमा जग्गा तथा हाउजिङ्, फर्निचर तथा फर्निसिङ, पाइप तथा फिटिङ, स्टिल तथा छड, बैंक तथा बिमा कम्पनी, इलेक्ट्रिक तथा इलेक्ट्रोनिक सामग्री लगायताका १५० वटा प्रदर्शनी कक्ष राखिएछन्। प्रदर्शनीमा भूकम्प प्रतिरोधी घर निर्माण गर्नेबारे जानकारी दिनुका साथै भूकम्पप्रतिरोधी इँटासमेत राखिएका छन्।
भौतिक पूर्वाधार तथा यातायातमन्त्री रमेश लेखकले सो प्रदर्शनीको शुभारम्भ गरे। सो अवसरमा नेपाल उद्योग वाणिज्य महासङ्घका अध्यक्ष पशुपति मुरारकाले यस्ता प्रदर्शनीले पुनःनिर्माणमा निर्माण सामग्रीको अभाव हुन नदिने बताए।
३ भदौ २०७३, ११।००
वि.सं.२०७३ भदौ ३ शुक्रवार १४:५८ मा प्रकाशित
