काठमाडौं । महालक्ष्मी विकास बैंकले वार्षिक साधारण सभा बोलाएको छ । बैंकको पुस ७ गते बिहीबार बसेको सञ्चालक समिति बैठकले सभा गर्ने निर्णय गरेको हो । सभा लैनचौर ब्यांकेट, नेपाल स्काउट कम्पाउण्ड, काठमाडौंमा पुस २९ गते बिहान १० बजेदेखि सुरु हुनेछ ।
सभामा बैंकले गत आर्थिक वर्षको नाफाबाट ४ प्रतिशत बोनस सेयर र करसहित ६.४७ प्रतिशत नगद लाभांश वितरण गर्ने प्रस्ताव पेश गर्नेछ ।
सभामा गत आर्थिक वर्षको वार्षिक प्रतिवेदन, नाफा/नोक्सान हिसाब, नगद प्रवाह विवरण लगायतमा पनि छलफल हुनेछ । आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने अर्को एजेन्डा पनि रहेको छ ।
त्यस्तै, प्रबन्धपत्र तथा नियमावली संशोधन गर्न प्रस्ताव पनि रहेको छ । सभा प्रयोजनका लागि बैंकले पुस १८ गते बुक क्लोज गर्दैछ ।
तसर्थ, पुस १७ गतेसम्म सेयर खरिद गरी कायम रहने सेयरधनीहरुले मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०७९ पुस ८ शुक्रवार ०९:५५ मा प्रकाशित
