काठमाडौं । आइएमई जनरल इन्स्योरेन्स कम्पनीले लाभांश प्रस्तावसहित माघ ९ गते वार्षिक साधारण सभा बोलाएको छ ।
इन्स्योरेन्सको पुस १७ गते बसेको सञ्चालको समितिको बैठकले सभा बोलाउने निर्णय गरेको हो । सभा होटल लि हिमालय, लाजिम्पाट, काठमाडौंमा बिहान ११ बजे सुरु हुनेछ ।
बीमा प्राधिकरणको निर्देशन अनुसार लाभांश संशोधन गरी ६ प्रतिशत बोनस र ०.३२ प्रतिशत नगद लाभांश कर प्रयोजनका लागि दिने प्रस्ताव गरेको छ ।
यसअघि कम्पनीले ६.५० प्रतिशत बोनस सेयर र ०.३४ प्रतिशत नगद लाभांश वितरण गर्ने घोषणा गेरपनि साधारण सभामा भने संशोधित प्रस्ताव पेश गर्न लागेको हो ।
साथै, सभामा आर्थिक वर्ष २०७८/७९ को वार्षिक प्रतिवेदन, नाफा–नोक्सान तथा नगद प्रवाह विषयमा पनि छलफल हुनेछ । आर्थिक वर्ष २०७९/८० का लागि लेखापरीक्षक नियुक्ति गर्ने र निजको पारिश्रमिक निर्धारण गर्ने अर्को एजेन्डा पनि छ । प्रबन्धपत्र तथा नियमावलि संशोधन गर्ने प्रस्ताव पनि रहेको छ ।
सभा प्रयोजनका लागि कम्पनीले पुस २७ गतेदेखि माघ ६ गतेसम्म बुक क्लोज गर्ने भएको छ यसकारण पुस २६ गतेसम्म कायम शेयरधनीहरूले मात्र सभामा भाग लिन र प्रस्तावित लाभांश प्राप्त गर्नेछन् ।
वि.सं.२०७९ पुस १८ सोमवार १२:३१ मा प्रकाशित