काठमाडौं । नेपाल फाइनान्सले आज अर्थात पुस २० गते देखि सेयर लिलामी बिक्री खुला गरेको छ । कम्पनीले संस्थापक समूहको ११ लाख १६ हजार ६१६.१८७ कित्ता सेयर लिलामीमा बिक्री खुला गरेको हो ।
लगानीकर्ताले न्यूनतम १०० रुपैयाँलाई आधार मानेर प्रतिस्पर्धात्मक बोलपत्रमा सहभागी हुनुपर्नेछ । यसमा न्यूनतम १ सय कित्तादेखि अधिकतम सबै कित्ताका लागि आवेदन दिन सकिनेछ । आवेदन दिने अन्तिम म्याद माघ ४ गतेसम्म रहेको छ । यसमा बिक्री प्रबन्धकको काम प्रभु क्यापिटलले गर्नेछ ।
लिलामी सेयरमा आवेदन दिन प्रभु क्यापिटल लिमिटेड कमलादी, काठमाडौंबाट सकिन्छ । त्यसैगरी, नेपाल फाइनान्स लिमिटेडको केन्द्रिय कार्यालय कमलादी, बनेपा, माछापुच्छ्रे, लगनखेल र तिलोत्तमा शाखा कार्यालयहरु र प्रभु बैंक लिमिटेडको विराटनगर, विरगञ्ज, पोखरा, नेपालगञ्ज, सुर्खेत र धनगढी शाखा कार्यालयहरुबाट आवेदन दिन सकिनेछ ।
वि.सं.२०७९ पुस २० बुधवार १२:१३ मा प्रकाशित
