काठमाडौं । सत्तारुढ दलहरु २७ पुसमा सार्वजनिक विदा दिन सहमत भएका छन् ।
उपप्रधान तथा अर्थमन्त्री विष्णु पौडेल नेतृत्वको सरकारको न्यूनमत साझा कार्यक्रम बनाउन गठित कार्यदलले २७ पुसमा सार्वजनिक विदा दिने सहमति जुटेको हो ।
राप्रपाले सरकारमा सहभागिताका लागि राखेका शर्तहरुमा २७ पुसमा सार्वजनिक विदा पनि थियो । कार्यदलले तयार पारेको सरकारको न्यूनमत साझा कार्यक्रमको मस्यौदामा भनिएको छ, ‘नेपालको भौगोलिक एकीकरणको ऐतिहासिकतालाई स्मरण र सम्मान गर्दै पृथ्वी जयन्तीका दिन पुस २७ गते सार्वजनिक विदा दिने ।’ यो माग पूरा भएसँगै राप्रपा सरकारमा जाने भएको छ ।
वि.सं.२०७९ पुस २३ शनिवार ०९:१२ मा प्रकाशित
