काठमाडौं । प्रतिनिधिसभाले नयाँ सभामुख निर्वाचित गर्दैछ । सभामुखका लागि नेकपा एमालेका देवराज घिमिरे र नेपाली कांग्रेसकी ईश्वर न्यौपाने उम्मेदवार छन् ।
बिहीबार बसेको बैठकमा दुबैको उम्मेदवारी पेश भएको छ । संसदमा सभामुख चुन्दै गर्दा सेयर बजारमा उतारचढाव आएको छ । बिहीबार सेयर बजार झिनो अंकले बढेको छ । उक्त दिन बजार ५.७१ अंकले बढेको हो ।
उक्त दिन नेप्से परिसुचक २१७८.८१ अंकको बिन्दुमा पुगेर बन्द भएको छ । आज सेयर बजार बढ्दा कारोबार रकम घटेको छ । उक्त दिन ३ अर्ब ४ करोड ४५ लाख २९ हजार रुपैंया बराबरको कारोबार भएको छ । नेप्सेमा रहेका १३ उपसूचक मध्ये ६ वटा उपसूचकमा हरियो देखिएको छ भने अन्यमा राताम्मै भएको छ । आज नेप्सेमा सूचिकृत २४६ कम्पनीको ८२ लाख ४७ हजार ६४६ कित्ता सेयर किनबेच भएको छ ।
वि.सं.२०७९ माघ ५ बिहीवार १५:०५ मा प्रकाशित
