काठमाडौं । नेसनल लाइफ इन्स्योरेन्सको संस्थापक सेयर लिलामी बिक्री खुला गरेको छ । प्रुडेन्सियल क्यापिटल म्यानेजमेन्ट कम्पनीले आज माघ ६ गतेदेखि नेसनलको २ लाख १ हजार ८ सय २० कित्ता सेयर लिलामीमा ल्याएको हो ।
जसमा लगानीकर्ताले ३५० न्यूनतम रुपैयाँ भाउ राखेर आवेदन दिन सक्नेछन् । सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् ।
लिलामीको बोलपत्र बिक्री प्रबन्धक एनआइसी एसिया क्यापिटल, बबरमहल काठमाडौंमा बुझाउन सकिनेछ । यसमा माघ १३ गतेसम्म बोलपत्र पेश गर्न सकिनेछ ।
वि.सं.२०७९ माघ ६ शुक्रवार १२:४१ मा प्रकाशित
