काठमाडौं । सेञ्चुरी कमर्सियल बैंकलाई प्राप्ति गरेको प्रभु बैंक लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार चालु आर्थिक वर्षको दोस्रो त्रैमाससम्ममा बैंकले १ अर्ब १९ करोड ९९ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ४.९२ प्रतिशत कम हो।
गत आर्थिक वर्षको सोही अवधिसम्ममा बैंकले १ अर्ब २६ करोड २० लाख रुपैयाँ खुद नाफा कमाएको थियो। सो अवधिसम्ममा बैंकको वितरणयोग्य मुनाफा ३६ करोड ४२ लाख रुपैयाँ रहेको छ।
समीक्षा अवधिमा बैंकको खुद ब्याज आम्दानी २०.०३ प्रतिशत बढेको छ भने कुल सञ्चालन आम्दानी १५.७३ प्रतिशत बढेको छ। त्यसैगरी, बैंकको सञ्चालन मुनाफा १२.५२ प्रतिशत घटेको छ।
समीक्षा अवधिमा बैंकको यस्तो आम्दानी ९ रुपैयाँ ६७ पैसा घटेर १० रुपैयाँ १९ पैसामा सीमित भएको छ। पुस मसान्तसम्ममा बैंकको मूल्य आम्दानी अनुपात २०.७ गुणा रहेको छ । बैंकको प्रतिशेयर नेटवर्थ १४० रुपैयाँ १२ पैसा रहेको छ।
वि.सं.२०७९ माघ ७ शनिवार ११:२४ मा प्रकाशित
