अर्घाखाँची । अर्घाखाँचीको हंसपुर गाविसमा जीप दुर्घटनामा परि ९ जनाको घटनास्थलमै मृत्यु भएको छ ।
अर्घाखाँची सदरमुकाम सन्धिखर्कबाट प्युठानको बाँदिकोट जाँदै गरेको ग १ ज ४८७८ नम्बरको फोरहृवील जीप हंशपुर रतनमारे बजार नजिकै दुर्घटना भएको हो । जीप भीरबाट ७०० मिटर तल खसेको थियो ।
दुर्घटनामा परि ९ जनाको घटनास्थलमै मृत्यु भएको , ६ जना घाईतेको उद्धार गरि जिल्ला अस्पताल सन्धिखर्क पठाईएको प्रारम्भिक जानकारी आएको छ । २ जना गाडीबाट हाम फालेर बाँच्न सफल भएको स्थानीयले जानकारी दिएका छन् । प्रहरी र स्थानीयवासी मिलेर दुर्घटनाका घाइतेको उद्दार गरेका थिए ।
फोटोः स्थानीय दलबहादुर भट्टराईको फेसबुकबाट
प्रकाशित मिति ः २०७३ भदौ १२
वि.सं.२०७३ भदौ १२ आइतवार १७:४८ मा प्रकाशित
