नेपाली समाज टेक्सस अमेरिकाले भूकम्प अति प्रभाबित ८ जिल्लाका ११ वटा विद्यालयको भवन निर्माण गरी रहेको छ । समाजले आफ्नै प्रत्यक्ष रेखदेखमा ती बिद्यालय भवन निर्माण गरिरहेको छ । बिद्यालय निर्माणका लागि प्रस्ताव मागे बमोजिम प्रकृया पुरा गरी निवेदन दिएकाहरुको गहन अध्ययनपश्चात् छनोट गरि विद्यालय निर्माणमा समाजले सहयोग गर्दै आएको छ । यसका लागि विद्यालयको तर्फबाट १५ हजार डलर समाजको नेपालमा भएको बैंक खातामा जम्मा गर्नुपर्ने र समाजले पनि सोही रकम बराबर सहयोग गरिदिने गरेको छ ।
विद्यालय व्यवस्थापन समितिले पनि सोही रकम बराबरको जनसहभागीता गर्नुपर्ने समाजका महासचिव कमल सत्यालाले जानकारी दिएका छन् । पीपीपी मोडेलमा काम गर्दा सहज हुने र सबैको अपनत्व कायम हुने हुँदा समाजले उक्त मोडेलअनुरुप सामाजिक सेवा गर्दै आएको महासचिव सत्यालाले बताए ।
महासचिव सत्यालका अनुसार रसुवा,दोलखा,काठमाडौ,काभ्रे,गोरखा,नुवाकोट लगायतका जिल्लामा भवन निर्माणको काम भैरहेको छ । समाजले बनाइदिएका विद्यालय भवन भुकुम्प प्रतिरोधी हुनेछ ।
काठमाडौको गगलफेदीमा रहेको हर्स निम्न माध्यमिक विद्यालय र गोरखाको बोर्लाङमा रहेको भिमसेन माध्यमिक बवद्यालयको निर्माण सम्पन्न भैसकेको छ भने नुवाकोट र दोलखाका विद्यालय पनि निर्माणको अन्तिम अवस्थामा छन् । यी योजना सम्पन्न भैसकेपछी नयाँ योजनाका लागि प्रस्ताव मागिने महासचिव सत्यालाले जानकारी दिएका छन् ।
प्रकाशित मितिः २०७३ भदौ १४
वि.सं.२०७३ भदौ १४ मंगलवार १७:०७ मा प्रकाशित
