काठमाडौं । नेपाल धितोपत्र बोर्ड (सेबोन) ले रावा इनर्जी डेभलपमेन्ट लिमिटेडले आईपीओ निष्कासनका लागि अनुमति प्रदान गरेको छ ।
बोर्डले कम्पनीलाई ८ करोड ४० लाख रुपैयाँ बराबरको आईपीओ निष्कासनका लागि अनुमति प्रदान गरेको हो।
बोर्डको अनुमति पाएसँगै अब कम्पनीले १०० अंकित दरका कुल ८ लाख ४० हजार कित्ता आईपीओ स्थानीय र सर्वसाधारणका लागि निष्कासन गर्ने छ ।
कम्पनीको सेयर निष्कासन तथा बिक्री प्रबन्धकमा प्रभु क्यापिटल रहेको छ।
कम्पनीले खोटाङ जिल्लाको केपिलासगढी गाउँपालिकास्थित रावा खोलामा ३ मेगावाटको माथिल्लो रावाखोला साना जलविद्युत आयोजना संचालन गरिरहेको छ ।
वि.सं.२०७९ फागुन २९ सोमवार १९:०३ मा प्रकाशित
